Tími nornarinnar

Tími nornarinnar er íslensk fjögurra þátta spennu- og sakamálaþáttaröð í leikstjórn Friðriks Þórs Friðrikssonar, byggð á samnefndri metsölubók Árna Þórarinssonar.

Sagan gerist á Norðurlandi um hávetur og fylgir Einari blaðamanni, sem starfar á Síðdegisblaðinu á Akureyri. Þegar ung kona lætur lífið við dularfullar aðstæður í flúðasiglingu og leikari hverfur sporlaust fer Einar að rannsaka málin. Smám saman kemur í ljós að atburðirnir tengjast með óvæntum hætti og leiða hann inn í flókinn heim leyndarmála, átaka og gamalla sagna.

Með aðalhlutverk fara meðal annarra Hjálmar Hjálmarsson, Inga María Valdimarsdóttir og María Ellingsen.