Píkusögur

Á V-daginn 2003 leikstýrði María alþingiskonum í verkinu Píkusögur eftir Eve Ensler. Þar sem þarna voru óvanar leikkonur á ferð hélt hún leiksmiðju með þeim til að búa til sterkan leikhóp og kom sér upp æfingaaðstöðu nálægt Alþingishúsinu svo þær ættu auðvelt með að skjótast á æfingar. Úr varð sterk sýning þar sem boðskapurinn magnaðist upp við að vera fluttur af konum við völd í landinu og var það bæði kjarkmikið og dýrmætt skref sem þær stigu; með því sendu þær sterk skilaboð út í samfélagið um samstöðu kvenna gegn ofbeldi. Eve Ensler talaði við þær í síma fyrir sýningu og hvatti þær til dáða. Verkið var sýnt á Stóra sviði Borgarleikhússins.