The Macallan – Sleeping Beauty

Ævintýraleg sjónvarpsauglýsing fyrir skoska viskíið The Macallan, í leikstjórn Luc Roeg, sonar kvikmyndaleikstjórans Nicolas Roeg. Auglýsingin er kvikmynduð í gotneskum stíl og snýr hinu sígilda ævintýri um Þyrnirós á hvolf: prinsinn hefur sofið árum saman á meðan hann bíður þess að viskíið hans nái fullkomnum þroska. María Ellingsen leikur prinsessuna sem kemur ríðandi á hvítum hesti að kastalanum og vekur prinsinn af löngum svefni. Auglýsingin er skopleg útfærsla á þeirri hugmynd að sumir hlutir séu þess virði að bíða eftir þeim.