Heiður
- Ár
- 2009
- Tegund
- Leikhús
- Hlutverk
- Sonja
- Leikhús
- Þjóðleikhúsið / Atson / Annað Svið
- Leikstjóri
- Bjarni Haukur Þórsson
Gefur þrautin sambandi karls og konu dýpt, er trygglyndi hornsteinn hjónabandsins eða kemur tryggðin í veg fyrir eðlilega þróun?
Þessar vangaveltur og aðrar viðlíka um hjónabandið eru meðal þess sem fjallað er um í leikritinu Heiður eftir Joanna Murray-Smith. Gildi á borð við heiður, reisn og háttprýði eru sett á vogarskálarnar og gaumgæfð á nærgöngulan hátt í þessu firnavel skrifaða og krefjandi sálfræðidrama. Hvað liggur að baki miskunnarleysi ástarinnar þegar karl yfirgefur trygglynda eiginkonu fyrir aðra og yngri konu? Hvers vegna tekur hjartað ætíð af skarið, umfram kærleikann, tryggðina, fortíðina og réttlætið? María lék blaðakonuna Sonju sem kemur upp á milli virðulegra hjóna.
Umsagnir
„María Ellingsen … sýnir okkur sjálfselska og harða konu, sem setur eigin frama ofar öllu, en er þó nógu næmgeðja til að skilja að lokum hvað hún hefur gert … það var fyllilega trúverðugt þegar hún sneri við blaðinu í lokin og það atriði sýningarinnar sem greip mann sterkast. Kannski var það allan tímann bara lítil telpa sem leyndist á bak við skel framapotarans. Af hverju sést María annars ekki oftar á sviðinu?“
