Arctic Women - Svalbard Movements
- Ár
- 2019
- Tegund
- Leikhús
- Hlutverk
- Leikari, höfundur og framleiðandi
- Leikstjóri
- Inger Buresund
Arctic Women er nýtt verk um konur á Norðurslóðum og áhrif náttúrunnar á sál manneskjunnar sem María og norska leikkonan Juni Dahr hafa þróað ásamt finnska dansaranum Reijo Kela og leikmyndahöfundinum Snorra Frey Hilmarssyni.
Arctic Women – Svalbard Movements er fyrsta útgáfa þess og var frumsýnd í Taubanecentralen, gamalli kolajárnbrautastöð í Longyearbyen haustið 2019.
Svalbard Movements er byggt á dagbókum kvenna sem dvalið hafa á Svalbarða; Léonie d’Aunet frá Frakklandi sem fyrst kvenna heimsótti Svalbarða 1838, Hanne Resvold-Holmsen frá Noregi, grasafræðingi sem gekk þar um grundir 1907, Christiane Ritter frá Austurríki sem dvaldi veturlangt í veiðikofa með manni sínum 1934 og Ellen Nøis frá Noregi sem fæddi þar barn sitt ein meðan maður hennar var á veiðum.
Í sýningunni stigu á svið María Ellingsen og Reijo Kela undir frumsaminni tónlist Tore Brunborg sem hann flutti á sviðinu ásamt Per Oddvar og karlakór kolanámufélagsins Den Store Norske. María lék á norsku.
