AF FJÖLLUM ER ÉG KOMINN var sýnt fyrir fullu húsi í Norræna Húsinu um helgina. Dásamlegt að sjá ungu leikkonurnar Kristínu og Siggu leiða áhorfendur í ferðalag í gegnum útþrá og heimþrá og Killian kom sterkur inn sem danski húsvörðurinn. Gríðarleg leikgleðin var smitandi og söngurinn og einlægnin gekk inn í hjartað. Anna Róshildur gerði geggjaða tónlist og Sóley hreyfingar og Kristmundur hannaði ljós. Framtíðin er sannarlega björt með þetta hæfileikaríka unga fólk í okkar liði og heiður að fá að leikstýra þeim.
