„Stígðu inn í
styrkinn þinn
og hafðu áhrif”

 

Námskeið


Ef þú vilt verða öflugri í að miðla hugmyndum þínum til fólks, koma vel fyrir í fjölmiðlum eða veita betri þjónustu þá býður María þér upp á námskeið sem eru bæði áhrifarík og skemmtileg.

Til að fá frekari upplýsingar og panta námskeið má hafa samband við Maríu í tölvupósti mariaellingsen@simnet.is eða í síma 695 2201 


Framkoma og Ræðumennska / Fjölmiðlaframkoma / Einkaþjálfun / Þjónustuframkoma / Fyrirlestrar/styttri námskeið / Ráðstefnu og fundarstjórn / Stjórnendaþjálfun

Framkoma og Ræðumennska

Á þessu námskeiði öðlast þú færni í að miðla þekkingu þinni hugmyndum og sjónarmiðum á áhrifamikinn, skemmtilegan og trúverðugan hátt.

Í fyrri hlutanum lærir þú grunnatriði sem efla þig í ræðumennsku; að styrkja líkamstjáningu, auka útgeislun, beita rödd og skerpa á framsögn. Þá er kennd einföld og markviss uppbygging á ræðum og kynningum. Þú færð æfingu í að komast að kjarna málsins svo tilgangur ræðunnar sé skýr og hún skili þeim árangri sem þú vilt ná.

Í seinni hlutanum lærir þú tækni til að flytja textann hvort sem þú velur að nota glærur, punkta eða ræðu skrifaða frá orði til orðs. Þú færð þjálfun í að miðla skilaboðum þínum á persónulegan og trúverðugan, lifandi, kraftmikinn og skemmtilegan hátt sem hreyfir við áhorfendum og veitir þeim innblástur.

Panta námskeið


Fjölmiðlaframkoma

Á þessu námskeiði færðu innsýn inní heim fjölmiðlanna og öðlast öryggi í að koma fram sem sterkur málsvari þinnar starfsemi í blíðu og stríðu. Þú lærir að undirbúa þig fyrir hin mismunandi form: fréttaviðtöl, spjallþætti og blaðaviðtöl og gerir æfingar fyrir framan upptökuvél.
María er með áralangareynslu af bæði blaðamennsku og sjónvarpsþáttagerð sem hún nýtir til að efla þig á þessu sviði.

Panta námskeið


Einkaþjálfun

Þetta námskeið er sérsniðið að hverjum og einum og er dýrmætt fyrir þá sem eru með mikilvægan fyrirlestur framundan hérlendis eða erlendis og vilja fá þjálfun og “leikstjórn” við að flytja hann. Einnig er þessi leið upplögð fyrir þá sem eru að glíma við einhverja fyrirstöðu, sviðskrekk eða óöryggi og vilja fá styrkjandi einkaleiðsögn.

Panta einkaþjálfun


Þjónustuframkoma

Góð þjónusta er það sem gerir fyrirtækjum samkeppnisforskot. Á þessu námskeiði er byrjað á því að efla fólk í framkomu og samskiptum. Þá er þjónusta skoðuð frá skemmtilegu sjónarhorni, rætt um helstu áskoranir og skoðað hvernig viðhorf hefur áhrif á líðan og afköst. Þá gera þáttakendur æfingar þar sem þeir setja sig í spor viðskiptavinarins. Þetta námskeið eflir þjónustuvitund og færni starfsfólks og eykur starfsánægju.

Panta námskeið


Fyrirlestrar/styttri námskeið

Fyrirlestra og örnámskeið er hægt að nota sem innblástur eða krydd á ráðstefnum, starfsdögum, fræðslukvöldum og samkomum. María getur sérsniðið fyrirlestur eða stutt námskeið fyrir þinn hóp þar sem hægt er að flétta inní skemmtilegar æfingum og leikjum til að hrista saman hópa. Efnið getur til dæmis verið: Öryggi í framkomu. Jákvætt viðhorf. Samvinna og traust.

Panta námskeið/fyrirlestur


Ráðstefnu og fundarstjórn

Öflug ráðstefnu og fundarstjórn setur tóninn og skapar heildarsvip á viðburðinn. María hefur gríðarlega reynslu í bæði að halda utan um dagskrá og í að skipuleggja hana frá grunni. Hún var tildæmis ein af þeim maurum sem átti hugmyndina að og undibjó Þjóðfundinn 2009. Hún er einnig eftirsótt ræðukona við ólík tækifæri og varð tildæmis þess heiðurs aðnjótandi að fá að kynna og ávarpa hans heilagleika Dalai Lama á fyrirlestri hans í Laugardagshöll.

Hafa samband


Stjórnendaþjálfun

Eitt öflugasta samkeppnisforskot hvers vinnustaðar er menning hans – og menning mótast fyrst og fremst af hegðun leiðtoga. Hjá Franklin Covey á Íslandi fá vinnustaðir hjálp við að þróa leiðtoga út frá þeirri hugmynd að leiðtogastíll fremstu forgöngumanna einkennist af bæði einstökum karakter og afgerandi færni sama á hvaða stigi þeir starfa innan vinnustaðarins. María er vottaður þjálfari frá FranklinCovey í 7 Habits og Five Choices en nánari upplýsingar um þessi námskeið má finna á vefsíðunni franklincovey.is

“Við búum oft yfir mikilli þekkingu og erum auðug af hugmyndum – en eigum ekki að sama skapi auðvelt með að miðla visku okkar til annara. Því eitt er að vita hvað maður vill segja – en annað að ná að segja það eins og maður vill.” – M

Umsagnir


LS Retail:

Námskeið í Framkomu og Ræðumennsku:

María hefur unnið undanfarin ár með flestum starfsmönnum LS Retail sem þurfa að halda kynningar og fyrirlestra. Starfsmenn okkar þurfa að koma efni sínu fram á skilmerkilegan og skilvirkan hátt á hinum ýmsu viðburðum út um allan heim. Maríu hefur tekist að þjálfa okkar starfsmenn í að vera einbeitta, skipulagða og skemmtilega þannig að áhorfandinn dregst inn í viðfangsefnið. Þetta hefur skilað sér í aukinni ánægju starfsmanna okkar með auknu sjálfstrausti og betri sjálfsímynd. Síðast en ekki síst hafa viðskiptavinir okkar hrósað starfsmönnum okkar fyrir skemmtilega og fagmannlega framkomu. Niðurstaðan er einföld, aukin ánægja og aukin sala á okkar lausnum.

Einkaþjálfun í Framkomu og Ræðumennsku:

Ég hef verið þeirrar ánægju aðnjótandi undanfarin ár að vinna með Maríu í framkomu og ræðumennsku. María hefur einstaka reynslu sem hún hefur safnað í reynslubankann sinn og er hún mikill snillingur í að miðla úr honum til annarra, og með því dregur hún fram það besta í manni. Maður kemur hvergi að tómum kofanum hjá Maríu á þessu sviði, og lumar hún ávallt á einhverri tækni eða aðferð til að kenna manni að takast á við verkefni sem maður gat ekki ímyndað sér að maður gæti leyst.

Ráðstefnustjórnun:

LS Retail hefur unnið með Maríu í að skipuleggja þema á ráðstefnum og lykilkynningar á þeim. Reynsla hennar sem leikstjóri og leikari er ómetnaleg þegar kemur að þessum verkefnum. Hún kann að stjórna þegar á því þarf að halda, og kann að hlusta á hugmyndir og aðstoða við að koma þeim á „svið“ þannig að áhorfandinn verður þátttakandi og hrífst með.

– Magnús Norðdahl forstjóri


Sem einn af stofnendum leikjafyrirtækisins Solid Cloud Games hef ég haft það hlutverk að halda kynningar fyrir fjárfestum og hefur María Ellingsen gefið ráð til að gera þær áhrifaríkari.
Aðstoð hennar hefur verið ómetanleg í þessu sambandi og er ráðgjöf hennar hverrar krónu virði.Stefán Þór Björnsson, Solid Cloud Games

„Þátttaka mín í framsagnar og ræðunámskeiði hjá Maríu Ellingsen hefur svo sannarlega skilað sér. María er frábær kennari sem geislar af styrk og reynslu. Ég er núna öruggari fyrir framan stóran hóp áheyranda, ákveðnari í framsögn og ekki síst með betri skilning á því hvers konar orðalag hentar í ræðustól.
Það sem stendur upp úr eru praktísk verkefni og æfingar sem hópurinn fékk að spreyta sig á og leiðbeiningar sem nýtast í hinu daglega lífi og starfi .“Ágústa Björg Þorsteinsdóttir, Íslandsferðum

Ég held að þetta sé gagnlegasta endurmenntunarnámskeið sem ég hef sótt.

Á námskeiðinu er farið í gegnum æfingar til að bæta framkomu og framsögn og gefnar uppskrifitr að uppbyggingu kynninga og notkun á glærum. Það er auðvelt að nýta sér þessar uppskriftir strax eftir námskeiðið til að gera fundi og kynningar betri.

Endurgjöf sem veitt er á námskeiðinu er mjög gagnleg og auðvelt að taka til sín.Pálmi Símonarson, Orkuveitunni