Arctic Women er nýtt verk sem María og norska leikkonan Juni Dahr vinna nú að og fjallar um fund manneskjunnar við náttúruna.
Fyrsta útgáfa þess er byggð á dagbókum kvenna sem dvalið hafa á Svalbarða í lengri eða skemmri tíma en aðrar sögur kvenna á Norðurslóðum munu síðan verða hluti af verkinu í næstu útgáfum.
Frumsýning verður í gamalli kolajárnbrautastöð sem stendur á stultum í Longyearbyen haustið 2019.
María og Juni ásamt Reijo Kela tilraunadansara frá Finnlandi og Snorra Frey Hilmarssyni dvöldu fyrst á Kolstöðum við smíðar á þessu verki. En þau þrjú fyrstnefndu héldu svo til Svalbarða til rannsóknarstarfa.